Крис Макнаб: Билл Гейтс. Технодарға ва филантроп

Қўлингиздаги мазкур асар дунё тобора рақамлашиб бораётган бир даврда фаолияти инсониятнинг деярли ҳар бир вакили кундалик ҳаётида ўрин тутган шахс, "Миcрософт" асосчиси — Билл Гейтс ҳақида. Аввалига чоғроққина, аммо қатъий мақсадга эга бу кичик корхона тарихдаги мислсиз даражада бой ва истиқболли, ижтимоий аҳамиятга эга компаниялардан бирига айланди.

Баъзан таниқли ва бой инсонлар қачондир жуда камбағал бўлгани, уларнинг бойиб кетиш мотивлари қизиқарли туюлади. Бироқ мукаммал омад эгалари — яхши оилада туғилган ва рисоладагидек таълим олган истеъдод эгаларида, барибир, муваффақият кутилмалари кўпроқ бўлади, шундай эмасми? Айни мазкур асар қаҳрамонига бу борада ҳар томонлама омад кулиб боққан. Ўз билими, ғоялари ва уни амалга оширишга бўлган қатъияти ва энг муҳими, тинимсиз меҳнати билан тарих саҳифаларини ёза оладиган, унинг ўзанини белгилашга сабабчи бўладиган шахс ҳаёти ва корпоратив йўли ҳар бир ўқувчи учун қизиқ бўла олади!