Йўл ҳаракати қоидалари. Ўқув қўлланма (2025-йил янгиланган)

Мазкур қўлланма “Йўл ҳаракати қоидалари”ни атрофлича ўрганиш, йўл-транспорт ҳодисаларининг олдини олиш ва уни бартараф этишда ҳайдовчиларга сифатли билим бериш мақсадида яратилган бўлиб, йўл ҳаракати иштирокчиларининг хавфсизлигини таъминлашга ёрдам беради.
Муаллифлар “Йўл ҳаракати қоидалари”га шарҳлар асосида саккиз юздан ортиқ безакли расмлар билан мураккаб йўл ҳаракати вазиятларини содда қилиб тушунтиришга ҳаракат қилганлар.
Қўлланма малака ошириш тингловчилари, ҳайдовчилар, пиёдалар, ҳайдовчилик гувоҳномаси олиш учун номзодларга ва кенг ўқувчилар оммасига мўлжалланган.
Ушбу қўлланмани тайёрлашда ўз фикр ва мулоҳазалари билан ёрдамлашган тақризчилар Акмал Муҳитдинов ва Анвар Назаровларга муаллифлар ўз миннатдорчиликларини билдиради.
Дунёда ҳеч нарса мукаммал бўлмагандек, ушбу ўқув қўлланма ҳам баъзи бир камчиликлардан ҳоли бўлмаслиги мумкин, албатта. Шу сабабли ўқув қўлланма ҳақида ўз фикр ва мулоҳазаларини билдирган китобхонларга самимий ташаккур билдирамиз.