Автомактаб: Янги саволлар (шаблонлар) тўплами

Республикамизнинг кўча-йўл тармоқларида автотранспорт воситалари йилдан-йилга кўпайиб бормоқда. Бунинг асосий сабаби автотранспортга бўлган эҳтиёждир. Айниқса, шахсий автомобилларга бўлган талаб ошиб бормоқда. Бу талабни қондириш малакали ҳайдовчиларни тайёрлаш билан боғлиқ. "Йўл ҳаракати қоидалари" йўл ҳаракати қатнашчиларини муайян тартибда ҳаракатланишини белгилайди. Автомобил бошқаришни ўрганувчилар "Йўл ҳаракати қоидалари" ва бошқа норматив ҳужжатлардан тегишли назарий сабоқлар олишади. Олинган билимларни мустаҳкамлаш машқлар ўтказиш ва ўз-ўзини имтиҳон қилиш билан амалга оширилади.

Ҳайдовчиликка ўқиётган китобхонга тавсия этилаётган ушбу ўқув қўлланма ёрдамида олинган билимларни қуйидаги йўналишларда мустаҳкамлаш мумкин.

- "Йўл ҳаракати қоидалари"

- транспорт воситаларини хавфсиз бошқариш

- йўл ҳаракати хавфсизлиги асослари

- йўл транспорти ҳодисалари оқибатида тан жароҳати олганларга биринчи тиббий ёрдам.

- транспорт воситаларига қўйиладигна техник талаблар.