Исоқжон Нишонов: Афғон шамоли (15 китоб)

"Ота, фаришталарга боламнинг гуноҳи йўқ эди, у ҳам жаннати эди, деб айтинг..."

Бу эътиборингизга ҳавола этилаётган "Афғон шамоли" роман-сериалининг айнан кульминацион нуқтаси.

Ватанфурушлар томонидан алданиб, одам қадри ер билан яксон қилинган Сурия давлатига олиб келинган ўн олти ёшли Илёснинг тақдири айнан шу нуқтада поёнига етади.

...Қилмишларига пушаймон бўлган ва кейинги ҳаётини Ватани тақдири билан боғланган Ғафурнинг қасос ўтида ёнган юраги уни навбатдаги хатарга рўбарў қилади. Хўш, бегона юрт қамоғидан қутулиш унинг тақдирига битилганми?

...Фарзанди дардида юраги куйиб адо бўлган, темир тобутда жасади келтирилса-да, аммо унинг тирик эканлигини она қалби билан ҳис қилган аёл Ватанига қайтарилган ва катта жиноятларни содир этишда айбланаётган ўғли Қодир билан юзма-юз келганда нега уни кечиролмади?

...Кўпчилик тақдирини ўз ҳаётидан устун қуйган Бўрон Сурияда қандай мудҳиш воқеалар билан юзма-юз келди?

Саволлар кўп. Воқеалар ривожини биргаликда кузатамиз.