Исоқжон Нишонов: Афғон шамоли (3-4 китоблар)

Мўминжон хорижда жангарилар тўдабошиси Эргашнинг буйруғи билан етимхонадан 10 ёшли қизни асраб олди. Қизни "тарбиялаб" қулоғига ҳақиқий муслима қиз, аёллар қандай бўлишини қуйди. Лекин бу қиз вилоят раҳбарлари, ҳуқуқни муҳофаза қилиш идоралари ходимлари йиғилган байрам кечасида белидаги ингичка симни тортиб, ўзини портлатиши кераклигини қайдан билсин?

Ўзбекистон ҳуқуқ-тартибот органлари ходимларининг ўтган асрнинг 90 йилларидан бошлаб Марказий Осиё, Афғонистон, Қирғизистон, Туркия, Россия ва бошқа мамлакатлар ҳудудларида фаолият олиб борган террорчи гуруҳларга қарши олиб борган кураши акс этган. Эргаш, Қамбар, мулла Умар каби жиноий тўдаларни бошқараётган кимсаларнинг манфур мақсадлари йўлида ҳеч нарсадан тап тортмасликлари ўқувчида уларга нисбатан чексиз нафрат туйғусини уйғотади. Ватаннинг ҳар қарич ери нақадар буюк эканлигини, Ватанга хиёнат аслида ўзлигингга хиёнат эканлигини теранроқ ҳис қиласан.