Farobiy: Ikkinchi muallim (Allomalar izidan)

To'liq ismi Abu Nasr Muhammad ibn Muhammad ibn Tarxon ibn Uzlug' Farobiy, 870-yilda Farob (O'tror) shahrida tug'ilgan.
Boshlang'ich ma'lumotni ona yurtida oladi. So'ng Toshkent (Shosh), Buxoro, Samarqandda o'qiydi. Shundan so'ng Bag'dodga yo'l oladi.
U yerda o'sha davrning eng muhim ilm-fan va madaniyat mar- kazi bo'lgan "Baytul hikma'da tahsil oladi. Hayotining ko'p qismini Bag'dodda o'tkazadi.
Yunon olimlarining asarlarini o'rganib, arab tiliga tarjima qiladi.
Xususan, Arastuning asosiy asarlarini arab tiliga qayta tarjima qilgan va bu asarlarning osonroq tushunilishini ta'minlovchi sharhlar yozgan. Shu jihatdan nafaqat islom dunyosiga qadimgi falsafani olib kiradi, balki arab tilining falsafa tili sifatida shakllanishiga ham katta hissa qo'shadi.
Arastuning ijodini sharqqa tanitgan Farobiy Muallimus soniy (Ikkinchi muallim), "Sharq Arastusi" unvoniga sazovor bo'lgan. Birinchi ustoz deganda esa Arastu tushuniladi.
Farobiyning "Madinatul fozila ("Fozil odamlar shahri) asari ayniqsa mashhur. Alloma bu kitobida ezgu jamiyatga faqatgina bilim, odob-axloq va adolat bilan erishish mumkinligi haqida yozadi.
Farobiyga ko'ra, faylasuflar ilm va axloq nuqtayi nazaridan eng ustun shaxslar bo'lishlari, jamiyatni boshqarishlari lozim.
Al-Farobiy 70 ga yaqin tilni bilgan.
U Sharq musiqa ilmining asoschilaridan biri sanaladi. Abdurahmon Jomiy o'zining "Musiqa haqida risola'sida Farobiyni buyuk musiqashunos olim sifatida tilga oladi.
Kitobul musiqiyil kabir' asari musiqa nazariyasi va akustika haqida yozilgan eng muhim asarlardan biridir.
Farobiy turli sohalarga oid 160 dan ortiq asar yozgan. Umrining oxirgi yillarini Shomda o'tkazadi va 950-yilda, 70 yoshida vafot etadi.