Деймон Захариедс: Қатъият қонунлари

Бу китоб — инсонни кучли, бардошли ва қатъиятли қилишга ўргатадиган ҳаёт қўлланмаси. Унда муаллиф шунчаки сабр ҳақида эмас, балки синовлардан ўтиш ва ҳар қандай тўсиққа қарши юриш ҳақида ёзади.

Деймон Захариедснинг фикрича, ким ҳаётда узоқ муддатли муваффақиятга эришган бўлса, у шунчаки омадли эмас — балки қатъиятли инсондир. Спортчими, ўқитувчими, тадбиркорми ёки талаба — фарқи йўқ. Ҳар бир ютуқ ортида чидам, интизом ва ирода туради.

Китобда муаллиф ҳаётдаги хавф, қўрқув ва қийинчиликларни енгиш учун амалий тавсиялар беради. У сизни мотивация билан “қиздириб” қўймайди — аксинча, реал ҳаётдаги ҳолатларни кўрсатиб, ичингиздаги мустаҳкамликни уйғотади.

Асардаги ҳар бир боб — худди мураббий сўзи каби. У сизни танбеҳ ҳам беради, руҳлантиради ҳам. Ўқиганингиз сари англайсиз: қатъият бу туғма фазилат эмас, уни ҳар ким ўзида шакллантира олади.

Агар сиз ўз йўлингизда дуч келаётган тўсиқлардан чарчаган бўлсангиз, агар баъзан “балки бўлмас” деган фикрлар сизни тўхтатаётган бўлса — бу китоб айнан сиз учун.

📘 “Қатъият қонунлари” — бу ўзини синовлар орасида йўқотмаганлар учун ёзилган асар. Ҳар сафар йиқилганда қайта туришни ўргатади, ва энг муҳими — нима бўлган тақдирда ҳам ўзингизга содиқ қолишни эслатади.