Asqad Muxtor: Dunyo bolalari

Aziz kitobxon do'stim! Siz bugunning baxtli farzandi, baxtli avlodisiz! Orzularingiz yo'lida qanchalik muammo va to'siqlar boʻlmasin, ulardan mardona hatlab o'tmog'ingiz uchun shunchalik ko'p umid, shunchalik ko'p imkoniyat va sizga bildirilgan ishonch bor.

Butun dunyo bolalari, ya'ni tengdoshlaringiz hayoti sizni hech qiziqtirganmi? Ular bilan imkoniyatlaringiz qay darajada bir-biriga yaqin? Orzularingiz-chi?

Asqad Muxtor «Dunyo bolalari» nomi bilan mazkur kitobga jamlagan hikoyalar, ishonch bilan aytamizki, sizning dunyoga, umuman, hayotga boʻlgan munosabatingizni o'zgartirib yuboradi. Qahramonlarning ayanchli taqdirlari, yaxshi yashashga bo'lgan umidi, shu murg'ak yoshida ham gardaniga olgan ulkan mas'uliyat hissi ularga nisbatan mehringiz va muhabbatingizni oshiradi.