Асқад Мухтор: Дунё болалари

Азиз китобхон дўстим! Сиз бугуннинг бахтли фарзанди, бахтли авлодисиз! Орзуларингиз йўлида қанчалик муаммо ва тўсиқлар бўлмасин, улардан мардона ҳатлаб ўтмоғингиз учун шунчалик кўп умид, шунчалик кўп имконият ва сизга билдирилган ишонч бор.

Бутун дунё болалари, яъни тенгдошларингиз ҳаёти сизни ҳеч қизиқтирганми? Улар билан имкониятларингиз қай даражада бир-бирига яқин? Орзуларингиз-чи?

Асқад Мухтор «Дунё болалари» номи билан мазкур китобга жамлаган ҳикоялар, ишонч билан айтамизки, сизнинг дунёга, умуман, ҳаётга бўлган муносабатингизни ўзгартириб юборади. Қаҳрамонларнинг аянчли тақдирлари, яхши яшашга бўлган умиди, шу мурғак ёшида ҳам гарданига олган улкан масъулият ҳисси уларга нисбатан меҳрингиз ва муҳаббатингизни оширади.