Абдужаббор Обидов: Буюк Шош ёҳуд кўҳна Тошканд девори

Тошкент ўзининг кўҳна ўтмиши ва бугунги кундаги нуфузи билан нафақат Ўзбекистон халқи, балки хорижий мамлакатлардан ташриф буюрадиган меҳмонларнинг диққат эътиборида.

Ёзувчи Абдужаббор Обидовнинг «Кўхна Тошканд девори» романи бу борада жуда аҳамиятли. Жонажон пойтахтимиз тарихи, XVIII асрдаги одамлар ҳаёти, мехнат-у машаққатлари, кувонч-у шодликлари, ҳокимлари Юнусхўжа бошчилигида ҳудуд деворини қайта қуриш, таъмирлаш ва ўн икки дарвозаси билан боғлик бунёдкорлик ишлари хусусида. Муаллиф шаҳарнинг табиати, кўча-маҳаллалари, сув-ариқлари, ҳовузлари, боғ-роғларининг ўзига хос гўзаллиги, маъмурий тузилиши, чорхокимликдаги низолар, аҳолининг касб-кори, этник таркиби, урф-одатлари ҳамда маънавий дунёқарашига доир муҳим тарихий маълумотларни турли феълдаги бадиий образлари орқали ишончли тарзда очиб берган.