Насиба Эрхонова, Зуҳра Рўзиева: Тарбиячи китоби- Математика

Ушбу қўлланма "Илк қадам" давлат ўқув дастури асосида Ўзбекистон Республикасининг илк ва мактабгача ёшдаги болалар ривожланишига қўйиладиган давлат талабларида белгиланган элементар математик малакаларни ривожлантриришга мўлжалланган.

Мактабгача таълим ташкилотларида ҳар бир болада содда математик малакаларни ривожлантириш мақсадида олиб бориладиган таълимий фаолият бешта асосий йўналишни қамраб олади:

1. Геометрик шакллар ва предметларнинг шакли ҳақидаги тасаввурлар шакллантириш.

2. Фазода мўлжал олиш кўникмаларини ҳосил қилиш.

3. Вақт ҳақидаги тасаввурларни шакллантириш.

4. Миқдор-катталик ҳақида тасаввурлар ҳосил қилиш.

5. Сон-саноқ ҳақида тушунчалар ҳосил қилиш.

Мазкур амалий қўлланмада умумий гуруҳларда олиб бориладиган элементар математика бўйича таълимий фаолият натижасида бола ўрганиши керак бўлган маълумотлар мужассамлаштирилган.

Аҳамиятлиси, қўлланмадаги таълимий фаолият ишланмалари тарбиячиларни замонавий педагогик технологиялар ва мултимедиа воситаларидан унумли фойдаланишга ундайди. Китоб 4 бўлимдан иборат бўлиб, кичик, ўрта, катта ва тайёрлов гуруҳларида олиб бориладиган элементар математика бўйича йиллик мавзуларни қамраб олган.