Tohir Malik: Jinoyatning uzun yo‘li

Sudning jinoyatchilar o‘tiradigan panjara ortidagi qora kursisida balog‘atga yetmagan o‘smirlarni ko‘rib baʼzan ajablanamiz, baʼzan esa ularga rahmimiz keladi. "Ularni jinoyat ko‘chasiga boshlagan sabab nima?" deb o‘ylaguvchilar ham bor. “Alvido...bolalik”, “Charxpalak”, So‘nggi o‘q", “Shaytanat”, "Murdalar gapirmaydilar" kabi asarlarida jinoyat olamini turli ko‘rinishlarda aks ettirgan yozuvchi Tohir Malik bu safar o‘zgacharoq tarzda jinoyatchi ruhiy olamini tahlil etadi. Yozuvchi o‘smirlarni jinoyat ko‘chasiga yetaklovchi sabablarni o‘rganadi, jinoyat uchun jazo olayotgan bolalarning ruhiyatlarini tadqiq etib, kattalarni, xususan, ota-onalarni, tarbiyachilarni, huquqshunos va ruhshunoslarni jinoyatchi o‘smirlar olamiga tegishli muammolarni birgalikda hal etishga daʼvat qiladi.