Tohir Malik: Zalolatga botma, ey inson

O‘zbekiston xalq yozuvchisi Tohir Malik tomonidan tartib berilgan bu kitobda adib bizlarni eng yomon illat haqidagi suhbatga chorlaydi. Hech birimizga sir emaski, mayxo‘rlikka , giyohvandlikka berilganlar, adashgan bandalar ichida o‘zimiz uchun eng ardoqli bo‘lmish insonlar- birovimizning ota-onamiz, birovimizning og‘a-inilarimiz, yana birovimizning farzandimiz, yaqin yoki uzoqroq qarindoshimiz, qo‘shnimiz, hamkasbimiz... ham bor. Ehtimol, ular hidoyatdan adashganlarini bilarlar, ehtimolki bilmaslar. Bilmaganlarga bildirib qo‘yish vazifamiz emasmi ? Ehtimol ular jaholat va gunohlar jaridan qutulmoqchilar-u, ammo to‘g‘ri yo‘lga chiqishga kuchlari yetmayotgandir. Ularga yordam qo‘lini uzatib, iymonsizlikdan qutulishga ko‘maklashish burchimiz emasmi ? Mazkur kitob mana shu xayrli ishimizda ko‘mak berar, inshaalloh!