Nasiba Erxonova, Zuhra Ro‘ziyeva: Matematika qasriga sayohat

Hamma fanlarga qiziqish bolalikdan boshlanadi. Biroq, ko‘pchilikda matematika murakkab fan degan tushuncha shakllangan. Ayni damda ana shu eskirgan aqidani yo‘qqa chiqarish imkoniyati qo‘lingizda turibdi!

Bolajonni bog‘cha va kichik maktab yoshidan matematikaning sirli dunyosiga olib kirsangiz, u kelajakda sonli jumboqlardan qo‘rqmaydi, aksincha ularni yechib, o‘ziga ishonchi orta boshlaydi.

Mazkur kitobdagi bir-biridan ajoyib matematikaga doir ertaklar, topishmoqlar orqali bola sonlar bilan tanishadi, geometrik shakllarni o‘rganadi, vaqt haqidagi tasavvurlari aniqlashadi. Qiziqarli topshiriqlar javobini topish va sodda masalalarni yechish orqali aqliy qobiliyati rivojlanadi.

Mazkur kitob bolalarni matematikadan bezdirmagan holda ota onalarning uyda shug‘ullanishi, tarbiyachilar va boshlang‘ich sinf o‘qituvchilarining esa guruh va sinf bilan ishlashi uchun mo‘ljallangan. Hamma umidlarimiz farzandlarimizdan! Shunday ekan, orzularimizni ro‘yobga chiqarish uchun qadamni "Matematika qasriga sayohat" bilan birgalikda qo'yamiz!