Jon Duglas, Mark Olsheyker: Qotilning psixologik portreti

Ushbu kitob, muallif taʼkidlaganidek, Gollivudning navbatdagi blokbasteri yoxud trilleri emas. Bu yigirma besh yil davomida Amerika Qo‘shma Shtatlari Federal qidiruv byurosi maxsus agenti Jon Duglasning o‘zi guvox bo‘lgan eng og‘ir jinoyatlar: Vahshiy ketma-ket qotilliklar, o‘g‘irlash va bolalarni jinsiy ekspluatatsiya qilish orqali sodir etilgan qotilliklar bilan bog‘liq mingdan ortiq tergov ishlari yoritilgan kitobdir.

Unda muallif o‘zi ishlagan Tergovga ko‘maklashish bo‘limining jinoyat joyidan olingan fotosuratlar asosida o‘zlari ishlab chiqqan usul qotilning shaxsiyatini tahlil qilish orqali jinoyatchini fosh etish yo‘llarini mufassal bayon etarkan, mutaxassislarning nafaqat jinoyatchi turini aniq ko‘rsatibgina qolmay uning jinoyat sodir etilgandan keyingi xatti-harakatlarini ham tasvirlab berish tajribalari bilan o‘rtoqlashadi.

Eng muhimi, muallif, yuqorida qayd etilgan jinoyatlarning oldini olish haqida so‘z yuritar ekan, zo‘ravonlik jinoyatlari sonini kamaytiruvchi yagona qurol jinoyatchilar yetishtirishni to‘xtatish ekani, bu boradagi haqiqiy kurash oiladan, farzandlarni to‘g‘ri tarbiyalashdan boshlanishi kerakligini bot-bot takrorlaydi.

Farzand tarbiyasi yo‘lidagi ushbu qurolga har zamon extiyojimiz bor ekan, demak, bu qurolni ishlatish yo‘l-yo‘rig‘i jamlangan mazkur kitobni farzand ulg‘aytirayotganlarning barchasiga ilindik.