Choynak va termopotlar kenwood

Elektr choynaklar: turlari, asosiy xususiyatlari

Bizning davrimizga kelib zamonaviy oshxonani elektr choynaksiz tasavvur etib bo‘lmaydi. Ishlatish sodda va qulay, xavfsiz, funksionali katta – mana, bu qurilmaning bir necha afzalligi. Foydalanuvchi rezervuarni to‘ldirib, tugmachasini bossa kifoya. Qaynatishga ikki-uch daqiqa ketadi, keyin qurilma o‘zi o‘chadi. 

Elektr choynaklarning afzalliklari

Mazkur oshxona texnikasi jihozi ixtiro qilinganidan buyon yuz yildan oshiq vaqt o‘tgan. Shu vaqt davomida apparat ancha rivojlangan va suv qaynagach o‘zi o‘chadigan aqlli choynakka aylangan. Uning yaxshi jihatlari:

• Vaqtni tejash – elektr choynakda suv qaynatish plita ustidagi choynakda qaynatishdan ko‘ra sezilarli darajada kam vaqt talab etadi. Buning ustiga, foydalanuvchi gazni ochishi va gorelkani yoqishi ham kerak bo‘lmaydi. Tugmachani bossa bas.

• Xavfsizlik – qurilmaning konstruksiyasida har bir detal puxta o‘ylangan. Qopqog‘i zich yopilib turadi, bu esa suv qaynaganida sachrashining oldini oladi. Lekin eng asosiysi – elektrik choynak avtomatik o‘chadi, gaz konforkasi yoki elektroplita ustiga choynak qo‘yib qaynatishda esa bunaqa funksiya yo‘q. Mazkur funksiya yong‘in yuzaga kelishi xavfini yo‘qqa chiqaradi. Plitani yoqiq qoldirib, esdan chiqarib qoldirganingizni o‘ylab qo‘rqib yurmaysiz. Bundan tashqari, barcha zamonaviy elektr choynaklar ichida suv bo‘lmasa yoqilishdan himoyalangan, bu esa tugmachasi bexosdan bosilib qolib buzilishdan asraydi.

• Ko‘chma va ixcham ekanligi – mazkur jihoz katta o‘lchamga ega emas. Uni istalgan qulay yerga joylashtirish mumkin. Uning ishlashi uchun faqat rozetka bo‘lsa yetarli. Ishlatib bo‘lgach choynakni shkafcha ichiga yoki yuqoriroqdagi tokchaga olib qo‘yish mumkin. Zarurat tug‘ilganida, bu qurilmani o‘zingiz bilan safarga yoki dala hovliga olib olsangiz ham bo‘ladi.

Elektr choynaklarning turlari

Ushbu apparat sovutgich va plitadan keyingi o‘rinda turuvchi eng talabgir oshxona jihozlaridan biridir. Ma’lumki, talab taklifni yuzaga keltiradi. Binobarin, elektr choynaklar ham turli-tuman modellari mavjudligi bilan ajralib turadi. Ularning barini uchta toifaga ajratish mumkin:

• Aynan elektr choynaklar – eng oddiy variantlar. Ular suv idishidan va vilka yordamida rozetkaga ulanuvchi tag qismidan iborat. Idishlar hajmi, shakli va materialiga ko‘ra farqlanadi.

• Termopotlar – elektr choynak va termos funksionalini o‘zida jamlagan. Bunday moslamalar katta gabariti, funksionalligi va tejamkorligi bilan ajralib turadi. Ular belgilab berilgan harorat rejimini uzoq vaqt davomida saqlab tura oladi, natijada siz suvni hadeb qizdiraverishingiz kerak bo‘lmaydi. Termopotlar ko‘proq ofislarda, mehmonxona va umumiy ovqatlanish joylarida qo‘llanadi.

• Elektrik samovarlar – ularni choyxo‘rlikning ko‘rki, deb bemalol aytsa bo‘ladi. Tashqi ko‘rinishidan ko‘hna analogiga o‘xshaydi, ammo konstruksiyasi bir qator o‘zgarishlarga uchragan. Elektrosamovarlar elektrda isitish tizimiga ega. Shuning evaziga suyuqlikni isitish uchun unga sezilarli darajada kam vaqt kerak bo‘ladi. Bundan tashqari, an’anaviy samovarga xos kamchiliklar – qurum va qasmoq unda bo‘lmaydi. Qadimiy analoglari kabi, zamonaviy – elektrik samovarlar ham turli shakllarda va har xil bezaklar bilan ishlab chiqariladi.

Boshqa xillari

Termochoynaklarni alohida ta’kidlab ko‘rsatsa arziydi. Bular termoregulyatorli modellar bo‘lib, shuning evaziga suyuqlikni istalgan kerakli haroratgacha isitish mumkin. Mazkur qurilma suvni zarur darajagacha qizdirgach, avtomatik tarzda o‘chadi.

Qo‘llanish sohasiga ko‘ra elektr choynaklar ikki turga bo‘linadi:

• Uy uchun – oddiy maishiy qurilmalar. Ular ishlatish osonligi va ixchamligi bilan ajralib turadi. Bunday modellar hamyonbop maishiy texnika jihozlari turkumiga mansub.

• Professional elektr choynaklar – umumiy ovqatlanish muassasalari uchun. Bunday modifikatsiyalar katta hajmi va ilg‘or funksionali bilan ajralib turadi. Professional texnika jihozi maishiysidan qimmat turadi. Odatda, bunaqa modellarni uy uchun xarid qilish maqsadga muvofiq emas.

Isituvchi elementining joylashuviga qarab elektr choynaklar ikki turga bo‘linadi:

• Ochiq – idishning tubiga mahkamlangan spiral ko‘rinishida. Bunday tuzilma arzonroq texnika jihozlarida bo‘ladi. Qizdiruvchi tizim ishdan chiqmasligi uchun u suyuqlikka butkul botib turishi kerak. Bu turdagi – ochiq spiral sekinroq isitadi. Buning ustiga, uni qasmoqdan tozalash qiyin.

• Yopiq – tuzilishi metall plastina holida. Suyuqlik aynan uning yuzasiga tegib turadi. Bunday konstruksiya evaziga yopiq elektr isitish tizimi qasmoq bog‘lamaydi, bu esa uning xizmat qilish davrini uzaytiradi. Bunday modellarning yagona manfiy tomoni – ishlaganida shovqin chiqarishidir. 

Elektr choynak qanday tanlanadi

Mazkur oshxona jihozini xarid qilayotib, quyidagi xususiyatlariga e’tibor berish kerak:

• Hajm – idishiga qancha suyuqlik sig‘ishini anglatadi. Odatda ular 0,5-2,5 litr orasida bo‘ladi. Eng talabgir variantlar 1,5-1,7 litrga mo‘ljallangan. Hajmni oila a’zolari sonidan kelib chiqib tanlagan ma’qul.

• Quvvat – suvni isitish tezligi shunga bog‘liq. Bu xususiyat odatda idishning hajmiga mos bo‘ladi. 500-1000 vattlik elektr choynaklar 0,5-1 litr suyuqlikni tez qaynatishga qodir. Professional elektr choynaklar esa kamida 1800 vattlik bo‘lishi kerak.

• Qopqoqning ochilish tamoyili – qo‘lda ochiladigan yoki avtomatik bo‘lishi mumkin. Birinchi turdagilar – eng oddiy va arzonlari. Ularda qopqoqni qo‘l bilan tortib ochish kerak. Avtomatik variantlarida esa tugmachani bosish kifoya. Bu qulay, ammo mexanizmi ishdan chiqsa, qopqoqni ochish muammo bo‘ladi.

Qo‘shimcha tarzda mana bu parametrlariga ham qaragan ma’qul:

• shnur uzunligi;

• to‘lganlik darajasi indikatori;

• idishni to‘ldirish usuli;

• filtri mavjudligi;

• jo‘mragining shakli.

Korpus materiali – tanlashning muhim mezoni

Elektr choynakning narxi ko‘pincha uning suv idishi tayyorlangan materialga bog‘liq. Asaxiy internet-do‘konida quyidagi variantlar taqdim etilgan:

• Plastik – oxirgi paytlarda ular o‘n yilcha avvalgidek ommabop emas. Sababi – plastmassa suvning sifatini pasaytiradi. Metalldan va shishadan yasalgan analoglariga qaraganda, plastik elektr choynaklar o‘z tashqi ko‘rinishini tezroq yo‘qotadi. Biroq plastikning ham o‘z “plyus”lari mavjud. U uzoq muddat ishlaydi, mustahkam va arzon.

• Metall – bu modellarda korpus zanglamaydigan po‘latdan ishlangan. Ular yuqori sifat va muvofiq narxni o‘zida uyg‘unlashtirgan. Metall buyumlar tushib ketsa yoki zarbalarda ezilmaydi. Po‘lat suv bilan kimyoviy reaksiyaga kirishmaydi, binobarin, bu metall suv ta’miga va tarkibiga ta’sir ko‘rsatmaydi.

• Shisha – ekologik toza material, elektr choynakning ish jarayonini kuzatib borish imkonini beradi. Biroq u ancha mo‘rt va puxta parvarish talab etadi.

• Keramika – maishiy texnika sohasidagi so‘nggi trend. Bunday modellar ko‘rkam qiyofaga ega. Ular issiqlikni uzoq vaqt ushlab turadi va maxsus parvarish talab etmaydi. Keramik elektr choynaklarning salbiy jihatlaridan esa vazni og‘irligi va qimmatligini ta’kidlab o‘tish kerak.

Qo‘shimcha funksiyalar va brendlar

Apparatning narxiga uning funksionali katta ta’sir ko‘rsatadi. Qo‘shimcha imkoniyatlar bu texnikadan foydalanishni soddaroq va qulayroq qiladi. Asaxiy do‘konida quyidagicha aqlli choynaklar taqdim etilgan: 

• harorat sozlovchili;

• qasmoqqa qarshi filtrli;

• displeyli;

• olinuvchi qopqoqli;

• qo‘sh devorli;

• telefondan boshqariluvchi.

Quyidagi markalarning elektrik choynaklarini Asaxiy do‘konidan hamyonbop narxlarda olishingiz mumkin:

• Philips;

• Tefal;

• Bosch;

• Braun;

• Redmond;

• Saturn;

• Delonghi;

• Smeg.

O‘zbekiston bo‘ylab eltib berish bir necha sutka davomida amalga oshiriladi. Toshkentda esa xaridingiz buyurtma kunining o‘zidayoq yetkazilishi mumkin.