"Asaxiy Plus" Ommaviy Oferta Shartnomasi

1. Umumiy qoidalar

1.1. Ushbu shartnoma "Asaxiy Plus" obunasini rasmiylashtirish va undan foydalanish shartlarini belgilaydi.

1.2. Obunani rasmiylashtirish orqali foydalanuvchi ushbu shartlarni to‘liq qabul qilgan hisoblanadi.

1.3. Ushbu shartnoma "Asaxiy" tomonidan o‘zgartirilishi mumkin. Tashkilotchi yangi shartlarni veb-saytida e'lon qiladi. E'lon qilingan sanadan boshlab yangi shartlar kuchga kiradi. Foydalanuvchi yangi shartlar bilan rozi bo‘lmasa, obunani bekor qilish huquqiga ega.

2. "Asaxiy Plus" xizmatining tarkibi

2.1. Obuna foydalanuvchilarga quyidagi imtiyozlarni taqdim etadi:

Bepul yetkazib berish – Asaxiy.uz sayti va Asaxiy Market ilovasi orqali buyurtmalar uchun.
Maxsus chegirmalar – Asaxiy.uz sayti taqdim etadigan barcha mahsulotlarga chegirmalar. Chegirmalar Asaxiy tomonidan mahsulotdan kelib chiqib belgilanadi.
Bepul elektron va audio kitoblar – Asaxiy Books ilovasida.

2.2. Imtiyozlardan foydalanish faqat faol obuna davrida amal qiladi.

3. Obuna muddati va to‘lov shartlari

3.1. Obuna quyidagi paketlar orqali rasmiylashtiriladi:

Oylik paket – 39,900 so‘m.
Yillik paket – 399,900 so‘m.

3.2. Obuna muddati tanlangan paketga muvofiq amal qiladi: oylik paket – 30 kun, yillik paket – 365 kun.

3.3. Agar avtomatik to‘lov yoqilgan bo‘lsa, obuna muddati tugashi bilan to‘lov kartadan avtomatik tarzda yechib olinadi. Foydalanuvchi avtomatik to‘lovni istalgan vaqtda shaxsiy kabinet orqali o‘chirish imkoniyatiga ega.

3.4. To‘lov quyidagi usullar orqali amalga oshiriladi:

Uzcard, Humo, Visa kartalari;
Shaxsiy kabinetdagi hisob raqam orqali.

3.5. To‘lov muvaffaqiyatsiz bo‘lganda obuna faoliyati to‘xtatiladi. Obuna qayta faollashtirish uchun foydalanuvchi to‘lovni amalga oshirishi kerak.

4. Foydalanuvchining majburiyatlari

4.1. Foydalanuvchi shartnoma shartlarini buzmaslikka va xizmatlardan shaxsiy maqsadlarda foydalanishga majbur.

4.2. Obunani uchinchi shaxslarga o‘tkazish taqiqlanadi.

4.3. Foydalanuvchi shaxsiy kabinetdagi ma'lumotlarni doimiy ravishda yangilab borishi va ularga kirish xavfsizligini ta'minlashi lozim.

5. Tashkilotchining majburiyatlari

5.1. "Asaxiy" foydalanuvchiga xizmatlarni sifatli va to‘liq hajmda taqdim etishga majbur.

5.2. Xizmatda texnik nosozliklar yuzaga kelgan taqdirda, imkon qadar tezda muammoni hal qilish choralarini ko‘radi.

5.3. Tashkilotchi foydalanuvchi shaxsiy ma'lumotlarini maxfiylik siyosatiga muvofiq himoya qilishni ta'minlaydi.

6. Obunadan voz kechish tartibi

6.1. Foydalanuvchi istalgan vaqtda obunani bekor qilishi mumkin. Bekor qilish shaxsiy kabinet orqali amalga oshiriladi.

6.2. Obuna bekor qilinganida, to‘langan mablag‘ qaytarilmaydi va xizmat muddati tugaguniga qadar amal qiladi.

6.3. Obuna tugashidan avval bekor qilinsa, foydalanuvchi obuna xizmatlaridan foydalanishda davom etishi mumkin.

7. Yakuniy qoidalar

7.1. Ushbu shartnoma va unga oid barcha nizolar O‘zbekiston Respublikasining amaldagi qonunchiligiga muvofiq hal etiladi.

7.2. Nizolar yuzaga kelgan taqdirda, tomonlar dastlab muzokaralar o‘tkazishga harakat qiladi. Kelishuvga erishilmagan taqdirda, nizolar sud orqali hal qilinadi.

7.3. Barcha savollar va murojaatlar "Asaxiy"ning mijozlarni qo‘llab-quvvatlash xizmati orqali qabul qilinadi.

7.4. Ushbu shartnoma foydalanuvchiga obuna rasmiylashtirgan paytdan boshlab amal qiladi.