Ўзбекистон обидаларидаги битиклар Фарғона

Фарғона водийсида эрта (исломгача бўлган) даврдаги саноқли эпиграфика ёдгорликлари сақланиб қолган, улар ҳам асосан турли буюмлардаги туркий- рун ёзувларидан парчалар сифатида. Мусулмон даврига келсак, Қўқон ва Фарғона музейларида сақланаётган баъзи археологик топилмаларни (қабр тошлари, меъморий қопламалар парчалари) ҳисобга олмаса, бу давр эпиграфикаси ҳам ўзининг кўплиги билан қувонтирмайди. Табиий офатлар, атеистлик кампаниялари пайтидаги бузғунчиликлар туфайли ёдгорликлар сони ўта кам қолган. Ҳозирги кунгача сақланиб қолган эпиграфик ёзувлар Минг сулоласи ҳукмронлиги даврига (ХВИИИ аср бошлари — 1876 йил) тегишли. Уларнинг сони кам бўлгани учун қадри ҳам ўта баланд. Ижодий гуруҳ сақланиб қолган ёзувларни имкон қадар ёзиб олиш ва ўқишга ҳаракат қилди, шу жумладан архив фотосуратлари ва материаллари бўйича ҳам. Натижада бир қатор ноёб эпиграфик композициялар, усталар, хаттотлар ва қурувчиларнинг исмлари аниқланди.