Зулайҳо Машарипова: Терговдаги одам

Қотиллик - одамзод қилиши мумкин бўлган энг тубан жиноятлардан биридир. Унга қўл уриш тугул, бировнинг жонига қасд қилишни ўйлаш ҳам гуноҳ. Айрим ҳолларда суиқасдга уриниш ҳам - гарчи мудҳиш жиноят тўлиқ амалга оширилмаган бўлса-да - муносиб жазо билан якун топиши мумкин.

Рустамнинг тўкис оиласида кўнгилсизлик рўй берди. Унинг ёш қизи оғир хасталикка чалинди. Икки йил ичида оилани, гўё хурсандчилик тарк этгандек бўлди. Эзгин фикрлар Рустамни жиноят сари бошлади. У Чори Рўзиевдан қасд олмоқчи бўлди. Фақат сўнгги лаҳзадагина қотил бўла олмаслигини тушуниб хатосини тўғрилади. Бироқ бир ой ҳам ўтмасдан Чори Рўзиевнинг жасади топилди. Терговчилар эски ҳаракати учун бегуноҳ, Рустамни ҳибсга олишди.

Хўш, аслида чинакам жиноятчилар ким эди? Марҳумнинг ўлимидан кимлар манфаатдор эди? Терговчилар чигал жиноий иш жумбоғига ечим топа олишадими? Шу каби саволларга асарни ўқиш жараёнида жавоб топасиз. Сизни янги қизиқарли детектив роман мутолаасига таклиф этамиз!