Жон Грей: Энг сара асарлари

Машҳур психолог ва ижодкор Жон Грэйнинг "Эркаклар Марс, аёллар эса Венера сайёрасидан” номли асари замонамизнинг энг яхши харидоргир китобларидан биридир. Мазкур асар жуда кўплаб одамларнинг тақдирлари яхши томонга ўзгаришига сабаб бўлган.

Эркак ва аёллар ўртасида юзага келаётган жуда кўп муаммолар бизнинг ҳақиқатан ҳам турли дунёқарашга эга инсонлар эканлигимиздан далолат беради. Биз нафақат ҳар хил инсонмиз, балки турли сайёрадан келганмиз ҳам. Биз эркак ва аёлларнинг кўп масалаларга ёндашувимиз шу даражада фарқ қиладики, натижада, бир-биримизни чиндан тушунишимиз учун алоҳида умумий мулоқот тили керак бўлади. Биз айнан мана шу тилни ўрганиб олсак, муҳаббат можаролари, оила ва ишда учраётган кўплаб келишмовчиликлар барҳам топади. Китоб 16 ёшдан катта барча эркак ва аёллар учун мўлжалланган.

Ёзувчининг "Осмондан тушган болалар" номли асари эса ота-оналар учун фойдали асардир. Унда фарзанд тарбияси билан боғлиқ муҳим ҳаётий маслаҳатлар, қимматли фикрлар берилади. Китобни ўқиш давомида уни ҳаётга татбиқ этсангиз, кўплаб ютуқларга эришасиз. Ижодкорнинг ушбу китоблари Сиз азизларга манзур бўлади, деган умиддамиз.