Жеймс Паттерсон, Маршалл Кэрп: Қўлингдан келса, маҳв эт

Forbes журнали «Американинг биринчи рақамли ҳикоянависи» дея эътироф этган Жеймс Паттерсоннинг шиддатли воқеаларга бой, китобхонни зериктирмайдиган ва ўқиганларини эсдан чиқаришга йўл қўймайдиган ушбу романи ёлланма қотиллар, қонли жавоҳирлар ҳамда Россия мафиясининг кирдикорларидан ҳикоя қилади.

Жеймс Паттерсон танқидчилар томонидан дунёдаги энг катта бестселлерлар фабрикаси деб аталиши бежиз эмас. Жеймс Паттерсон асарларининг «New York Times» бестселлерига айланиши бўйича Гиннес рекордлар китобига киритилган ягона ёзувчидир. Унинг 1977 йилдан буён ёзган асарлари 300 миллиондан зиёд нусхада сотилиб, ўзига хос рекорд ўрнатган.

Ёзувчи томонидан Маршалл Кэрп билан ҳамкорликда ёзилган «Қўлингдан келса, маҳв эт» асари воқеалари триллер ва детектив жанрлари ихлосмандларини ҳаяжонга солмай қўймайди. Ҳатто ўткир сюжетли фильм томоша қиляпсизми ёки асар мутолаасими - ажратолмай қолишингиз мумкин.

Муҳими, мазкур китоб аслиятдан, яъни инглиз тилидан ўзбек тилига ўгирилган. Бу эса ёзувчи услубининг сақлаб колиниши, моҳияти китобхонга янада теран мазмунда етиб боришида алоҳида ўрин тутади.

Инглиз тилидан Сожида Самандарова таржимаси