Юлиан Семёнов: Тасс маълум қиладики

Юлиан Семёновнинг номи китобхонларга «Альтернатива» туркумига кирувчи «Баҳорнинг ўн етти лаҳзаси», «Пролетар диктатураси учун бриллиантлар», «Баҳорги муз устида», «Яшашинг шарт», «юзма-юз» каби қатор сиёсий роман ва қиссалари орқали яхши таниш.… Совет хавфсизлик органига чет элда хор-зор, дарбадар юрган рус муҳожиридан мактуб келади. Унда Москвадаги махфий институтлардан бирида иш кўраётган Марказий Разведка Бошқармасининг агенти маълум қилинган эди. Совет контрразведкачиларининг олиб борган машаққатли изланишлари натижасида агент фош этилади. Африка давлатларидан бирининг дахлсизлигига қаратилган тажовуз барбод бўлади. «ТАСС маълум қиладики…» асарида ана шулар ҳақида қизиқарли ҳикоя қилинади.