Япон халқ эртаклари. Етти эртак 2 (Ўзбек-рус-инглиз тилида)

Япония мана бир неча йиллар ҳамон ҳаммани ҳайратга солиб келмоқда. Фан, техника, иқтисоддаги ютуқлар Японияни мўжизалар мамлакати деб аталиш даражасигача кўтарди. Бугун буни ҳамма билади ва тан олади. Гап шу ҳақида кетса "Улар жуда илгарилаб кетишди, энди уларга етиб олиш амримаҳол..." дегувчилар бор ва афсуски ҳатто кўп. Мен бундай дегувчиларга қўшилмайман. Аввало, асосан ниманинг эвазига бу даражага кўтарилганликларини билиш, тушуниш керак.
Японияда болалар таълими-тарбияси соҳаси ривожлана боргани сари мамлакат юксала борди, халқнинг турмуш даражаси энг илгари ўринларга етди. Халқ бир тан, бир жон болиб, ҳамма бир ёқадан бош чиқариб таълимни, тарбияни ўйлади.
Япон менталитетининг алоҳида ёрқин қирралари - меҳнацеварлиги, интизомллиги, кўпчиликка ва оиласига бўлган севгиси ва катталарга бўлган ҳурматидир.
Бу хусусиятлар болага ёшлигидан сингдириб борилади. Болалар тарбиясида бадиий асарлар, халқ эртаклари муҳим аҳамиятга эга. Япон эртаклари ўзининг таъсирчанлиги, гўзалликни ҳис қилиши, жонзотларни, табиатни севишни ўргатиши билан ажралиб туради. Кўпчилик халқ эртаклари каби Япон халқ эртакларида ҳам олийжаноблик ғалаба қилади.
Қўлингиздаги Япон халқ эртакларини ўқиш давомида кайфиятингиз кўтарилади ҳамда мўжизавий Япония давлатини ва одамларини ўрганасиз, деб умид қиламиз.