Виктор Гюго: Тўқсон учинчи йил

"Тўқсон учинчи йил" - Виктор Гюгонинг инсон иродаси, фожиа ва жасорат табиатига бағишланган сўнгги буюк романларидан бири. Асарда қаҳрамонлар тақдири орқали ҳар қандай тарихий даврда долзарб бўлган масалалар: инсоннинг ички бурчи, ахлоқий танлов, садоқат ва ҳалокат ўртасидаги мураккаб мувозанат ёритилади. Гюго қаҳрамонларини сиёсий ёки мафкуравий тамғаламайди. Уларнинг ҳар бири ўз эътиқоди, виждони ва шахсий масъулияти билан яшайди. Шу жиҳатдан роман қаҳрамонлари тарихий вогеаларнигина эмас, аввало, инсон табиатининг ўзига хос, драматик қирраларини намоён қилади. Услуб жиҳатдан "Тўқ-сон учинчи йил" Гюго қаламига хос эпик куч, драматик динамика ва инсон руҳига чуқур назар солувчи бадиий эҳтирос билан тўлган асар.

У ўқувчини улкан воқеалар эмас, балки ўша воқеалар орасида ўзини йўқотмаган инсоннинг ички қиёфаси билан уйғотади. Роман фақат бир давр ҳагида эмас, балки ҳар бир авлодга тааллуқли улкан бир саволни қў-яди: инсон ким ва у ўз танловининг нархига тайёрми? Классик адабиёт дурдонаси бўлган Виктор Гюгонинг мазкур романи ўзбек китобхонларига муносиб туҳфа бўлишига умид қиламиз.