Тецуро Ямасака: Имкон қадар энг яхшисига лойиқ бўл. No limit, do the Best

1955-йилда Хиросима префектурасида туғилган. Хиросима университети Педагогика факультетини тамомлаган. Хиросима Шодзо ўрта мактаби ва Хиросима университетида ўқиб юрганида бейсбол жамоаси сардори бўлган. Университетни битиргач "Хиросима Мазда" компаниясига ишга киради ва бор йўғи уч йилда энг яхши сотувчи юлдузи соҳибига айланади. 25 ёшида Balcom Hiroshima Motors (ҳозирги Balcom компанияси)га ишга кирган. 1987-йилда, 32 ёшида бош директор лавозимига тайинланган.

Компания BMW автомобиллари расмий дилери сифатида машҳур бўлиб, автомобиллар бўйича тўлиқ хизматларни таклиф қилган. Компания BMW автомобилларини сотилиши бўйича икки марта "Энг яхши дилер" мукофотини, олти марта "Йилнинг энг яхши миллий дилери" унвонини қўлга киритган. Шунингдек, мижозлар қониқиши бўйича кетма-кет 5 йил 1-ўринни эгаллаган. 2016-йилда 3000 та BMW дилерлари орасида компания «Excellence in Sales 2016» (Савдо мукаммаллиги) танловида Осиё, Тинч океани ва Жанубий Африка минтақасининг №1 дилери деб топилган. Компания 50 йиллик юбилейида, 2017-йилда, ушбу ҳудудда «Энг яхши мижозларга хизмат кўрсатувчи сотувчи» унвонига сазовор бўлган.