"Темур Тузуклари" форсчадан Алихонтура Соғуний таржимаси

«Темур тузуклари» подшоларнинг туриш-турмушлари ва одоб-ахлоқ нормаларини белгилаб берувчи асар ҳисобланади. Асарда жаҳонгир Амир Темурнинг етти ёшидан то ҳаётининг сўнгигача кечган ижтимоий-сиёсий ҳаёти, ҳарбий юришлари, тахт ворисларига васият ва панд-насиҳатлари ихчам баён этилган. Асарни ўқиган ўқувчи Амир Темур даври ва ўша давр ижтимоий-сиёсий ҳаёти ҳақида тўлақонли тушунчага эга бўлибгина қолмай, муҳим ва оригинал маълумотлардан хабардор бўлади.

Мазкур мақолада Соҳибқирон Амир Темурнинг фарзандлари ва набираларига насиҳат тарзида битилган «Темур тузуклари» ҳақида сўз боради. Унда сипоҳ, рийоят, солиқ масалалари, давлат бошқаруви, фарзандлар тарбиясига доир қимматли маслаҳатлар ўрин олган. Шунингдек, тузукларда кўтарилган илм-маърифат ва инсон омилини улуғлаш каби масалаларни ҳозирги кунга тадбиқ этишдаги тарбиявий аҳамияти масалалари таҳлил этилган.