Asaxiy'дан яна бир ПРЕМЬЕРА китобни кутиб олинг - Сун Цзи қаламига мансуб "Уруш санъати" сотувда! Китоб Asaxiy Books лойиҳаси доирасида қайта таржима қилинган ва саккиз босқичли сифат назоратидан ўтган.

Уруш фақат жанг майдонида эмас, ҳаётнинг ҳар бир жабҳасида олиб борилади.

Ғалаба эса куч билан эмас, ақл билан қўлга киритилади.

Дунёнинг энг қадимий ҳарбий рисоласи бўлмиш "Уруш санъати" шунчаки ҳарбий стратегиялар тўплами эмас - у бизнес, сиёсат ва кундалик ҳаётда ҳам асқатадиган билимлар манбаидир.

Қадимги Хитойнинг атоқли қўмондони Сун Цзи муаллифлигидаги "Уруш санъати" милоддан олдинги V асрда ёзилган. Унда ҳарбий ҳаракатларни олиб бориш бўйича асосий тавсиялар келтирилган. Хусусан, у АҚШ денгиз пиёда қўшинлари ва ҳарбий разведкасида ўқишга тавсия этилган китоблар рўйхатига киради. Аммо "Уруш санъати"нинг долзарблиги ҳарбий соҳа билан чекланмайди.

Ёзилганидан икки минг йилдан ошиқ вақт ўтган бўлса-да, унинг тамойиллари бугунги кунда ҳам долзарб. Китобда урушнинг моҳияти, ғалабага эришиш йўллари, ҳаракат стратегиялари ва душманни куч ишлатмасдан мағлуб этиш усуллари ҳақида сўз юритилади.

Китобнинг асосий ғояларидан бири шундан иборатки, ғалаба қилиш учун доим ҳам жанг қилиш шарт эмас. Тўғри стратегия ва режа - ҳар қандай рақобатда устунликни таъминловчи кучли қурол ҳисобланади.

Кимлар учун фойдали?

▪ Бизнес эгалари ва тадбиркорлар - рақобатдош муҳитда муваффақият қозониш стратегияларини ўрганиш учун;

▪ Раҳбарлар ва менежерлар - жамоани бошқариш ва тўғри қарор қабул қилиш санъатини ўзлаштириш учун;

▪ Талабалар ва ривожланишга интилувчилар - ҳаётда онгли ва самарали қарорлар қабул қилишни ўрганиш учун;

▪ Ҳарбийлар ва хавфсизлик соҳаси вакиллари - ҳарбий тактика ва стратегия тамойилларини ўрганиш учун;

▪ Ўз ҳаётини яхшилашни истаган ҳар бир инсон - қарор қабул қилиш, муаммоларни ҳал қилиш ва мақсадга эришиш йўлларини тушуниш учун.

Муаллиф ҳақида

Сун Цзи (мил. авв. VI-V асрлар) қадимги Хитойда машҳур ҳарбий генерал, стратег, файласуф ва ёзувчи бўлган. Унинг ғоялари минг йиллар давомида урушлар, сиёсат ва бизнес оламига таъсир кўрсатиб келган. Унинг донишмандона стратегиялари кўплаб ҳарбий қўмондонлар ва етакчилар томонидан қўлланган ва муваффақиятга сабаб бўлган.

Нега бу китобни ўқиш керак?

✔ Ҳаёт қийинчиликларини енгиб ўтишнинг асрлар давомида синалган йўлларини ўрганасиз;

✔ Қандай қилиб олдиндан режалаштириш ва тўғри стратегия танлаш орқали рақобатчилардан устун келиш мумкинлигини билиб оласиз;

✔ Ўзингизни ҳар қандай ҳолатда аниқ ва тўғри қарор қабул қиладиган лидер сифатида шакллантирасиз.

Бу китоб фақат уруш эмас, балки ҳар биримиз дуч келадиган ҳаётий жангларда қандай ғалаба қозониш ҳақидадир.

Ўзингиз учун энг муҳим жанг - ҳаёт жангида ғалаба қозониш учун ҳаракатни бугун бошланг!