Солиҳ Уян: Виртуал дунёда ота-оналик машаққати

Бугун инсоният турли технологиялар ва интернетсиз ҳаётни тасаввур ҳам қила олмайдиган даражага келди. Смартфонлар куну тун давомида нафақат катталар, балки болаларнинг ҳам ажралмас йўлдошига айланиб улгурди. Замонавий технологияларнинг фойдали жиҳатлари билан бирга зарарли томонлариям бисёрки, буни болаларга тушунтира олиш учун аввало ўзимиз бундан тўла бохабар бўлишимиз зарур. Юқори даражада ривожланган технологиялар замонида туғилган болаларга уларни бутунлай тақиқлаш орқали кўзланган мақсадга эришолмаймиз.

Хўш, интернет ва замонавий технологиялардан самарали фойдаланишда нималарга эътибор қаратиш керак? Қандай йўл тутилса, интернет билим манбаи бўлиб хизмат қилади? Фарзандимизга қайси ёшда қандай технология воситаларини қўллашга рухсат беришимиз керак? Болаларнинг бундай қурилмалардан тўғри фойдаланишини назорат қилиш учун виртуал дунё ота-оналари қандай маълумотларга эга бўлишлари зарур?

Ана шундай долзарб ва ҳаётий саволларга жавоб топишни истасангиз, қўлингиздаги мазкур “Виртуал дунёда ота-оналик машаққати” китобини мутолаа қилишингизни тавсия қиламиз. Зеро, фарзандлар бизнинг келажагимиз, ҳаётимиз давомчиларидир. Дилбандларимиз билан виртуал эмас, меҳрли боғланишни истар эканмиз, ушбу мавзуга бефарқ бўлмаслигимиз лозим