Шениз Южел: Гўдакликдан йигитликка қадар

Болаларнинг ёмони бўлмайди, уқувсиз ва ёмон тарбиячи ота-оналаргина мавжуд. Улар ҳар томонлама тўкис ва бахтиёр фарзанд бахтли оилада, гўзал муҳитда камол топишини англасалар эди, ўзларига четдан назар ташлашга чоғланган бўлишарди. Демак, биз шарафли авлодга эга бўлишни истар эканмиз, саъй-ҳаракатларимизни, аввало, ўзимизни тафтиш қилишга қаратишимиз жоиз.

Қўлингиздаги мазкур китоб фарзанд тарбиясида гўдакликдан ўсмирлик даврига қадар бола билан қандай муносабат ўрнатиш борасидаги муҳим тактика ва услубларни ўз ичига олгани билан долзарбдир. Бу китобни ҳар доимгидек фақат оналар эмас, ҳурматли ва азиз оталар ҳам мутолаа қилишларини тавсия қиламиз. Сабаби китобда ўсмир ёшдаги ўғил фарзандлар билан тил топишиш, яъни энг мураккаб паллада ота сифатида тўғри қарорлар қабул қилишга кўмакчи бўладиган маълумотлар берилган. Зеро, китобдан олинадиган хулосалар сизни қалбингиздаги хайрли авлод ўстириш орзусига элтувчи йўлга бошлайди.

Туркчадан Бобохон Муҳаммад Шариф таржимаси