Рэй Далио: Принциплар

Рей Далио "Принциплар" китоби билан шахсий ва иш билан боғлик, ҳаётингизни қандай қилиб мазмунли ўтказиш ва самарали ишлаш бўйича батафсил кўрсатмалар бериб боради. Ушбу китобда Далио ўзининг ҳаёт тарзини тартибга солувчи ва ўта муваффақиятли Bridgewater компаниясини бошқариш принциплари билан ўртоқлашади. Асарда ҳаётнинг барча соҳаларида қўлланиладиган турли хил принципларга асосланган дастур тўлиқ ҳолда ёритилган. Бу принциплар Далио муваффақиятининг сабаби эканлиги боис ўзидаги юксак тажриба ва ҳикматни китобсеварлар билан бўлишиш ниятида бу китобни ёзган.
Ундан ташқари, бу мавзуда ҳар хил интервю, подкаст ва суҳбатларда қатнашади. Китобни ўқир экансиз, ҳаёт, менежмент, иқтисод ва сармоя каби бирликларни қоидалар асосида тизимлаштириш ва машиналар каби тушуниш мумкинлигига гувоҳ бўласиз. Кўп маротаба такрорланган "радикал ҳақиқат" ва "радикал шаффофлик" каби машҳур қоидаларга асосланган, тажрибадан келиб чиққан дарслар, Далионинг фикрича, ҳам шахслар, ҳам ташкилотлар учун қарорлар қабул қилиш, қийинчиликларга бўлган ёндашув ва кучли жамоа яратишнинг энг самарали усулларини ўз ичига олади.
Ташкилот ва муассасалар учун янгидан-янги ғоялар билан тўлдирилган бўлса-да, "Принциплар" китоби нимага ҳаракат қилишидан қатьий назар ҳар ким ўрганиши, ўзида қўллаши мумкин бўлган қарор қабул қилишдаги аниқ ва тўғридан-тўғри ёндашувни таклиф қилади.
Китоб 2017 йилда дунё юзини кўрар экан, кўп ўтмай испан, немис, франсуз, италян, хитой, япон, корейс, рус ва бошқа тилларга таржима қилинган.