Pablo Pikasso: G'ayrioddiy rassom ( Sahna Yulduzlari )

Rassom, haykaltarosh, kulolchilik ustasi, shair, dramaturg, deko ratsiya va kostyum dizayneri Pablo Pikasso 1881-yil 25-oktyabrda Ispaniyaning Malaga shahrida dunyoga kelgan. Malaga shahrida bolaga ism qanchalik uzun qo'yilsa, u shunchalik iste'dodli bo'ladi degan ishonch bor edi. Avvalo unga Pablo ismi berildi. Keyin Diyego, so'ng Xose Fransisko de Pulo... Ammo mashhur rassom sifatida u Pablo Pikasso nomi bilan tanildi.
Pikassoning ilk aytgan so'zi ispancha lápiz, ya'ni "qalam" bolgan. Uning rasm chizishga bo'lgan iste'dodini birinchi bo'lib otasi ilg'agan. Rasm o'qituvchisi bo'lgan otasi bu sohada yaxshi bilim egallashi uchun astoydil qo'llab-quvvatlaydi. Pikasso 13 yoshida Barselona Nafis san'at maktabiga o'qishga kirgan.
16 yoshida Madridda juda mashhur bo'lgan san'at akademiyasda tahsil ola boshlaydi. Rassom o'zining ilk ko'rgazmasini 1900-yilda ochadi. Yaqin do'sti Kasagemas vafot etgach, uch yil davomida moviy rangni o'zi uchun motam rangi deb e'lon qiladi. Ko'p o'tmay Parijga yo'l oladi, chunki bir joyda qolishni va bir xil uslubda ijod qilishni yoqtirmasdi. Parijda yangi texnika va uslublarni o'rganadi. Bu uni baxtiyor qiladi va endilikda chizgan rasmlarida moviy rang o'rnini pushti rang egallay boshlaydi.
1908-yilda u rassomchilikda o'zgacha, noodatiy usulni sinab ko'radi. Bu usul keyinchalik kubizm nomi bilan ommalashadi. 1907-yil- dan 1914-yilgacha aynan shu uslubda bir qancha asarlar yaratadi. 1920-yillarning boshida esa klassik uslubga qaytishni boshlaydi. Rassom, shuningdek, mifologiyadan ham ilhom olgan.
Pikasso 1973-yil 8-aprelda Fransiyada 92 yoshida olamdan o'tadi. Asarlari dunyoning ko'plab muzeylarida saqlanadi, ijodiga bag'ishlangan maxsus muzeylar ham bor.