Пабло Пикассо: Ғайриоддий рассом ( Саҳна Юлдузлари )

Рассом, ҳайкалтарош, кулолчилик устаси, шаир, драматург, деко рация ва костюм дизайнери Пабло Пикассо 1881-йил 25-октябрда Испаниянинг Малага шаҳрида дунёга келган. Малага шаҳрида болага исм қанчалик узун қўйилса, у шунчалик истеъдодли бўлади деган ишонч бор эди. Аввало унга Пабло исми берилди. Кейин Диего, сўнг Хосе Франсиско де Пуло... Аммо машҳур рассом сифатида у Пабло Пикассо номи билан танилди.
Пикассонинг илк айтган сўзи испанча лáпиз, яъни "қалам" болган. Унинг расм чизишга бўлган истеъдодини биринчи бўлиб отаси илғаган. Расм ўқитувчиси бўлган отаси бу соҳада яхши билим эгаллаши учун астойдил қўллаб-қувватлайди. Пикассо 13 ёшида Барселона Нафис санъат мактабига ўқишга кирган.
16 ёшида Мадридда жуда машҳур бўлган санъат академиясда таҳсил ола бошлайди. Рассом ўзининг илк кўргазмасини 1900-йилда очади. Яқин дўсти Касагемас вафот этгач, уч йил давомида мовий рангни ўзи учун мотам ранги деб эълон қилади. Кўп ўтмай Парижга йўл олади, чунки бир жойда қолишни ва бир хил услубда ижод қилишни ёқтирмасди. Парижда янги техника ва услубларни ўрганади. Бу уни бахтиёр қилади ва эндиликда чизган расмларида мовий ранг ўрнини пушти ранг эгаллай бошлайди.
1908-йилда у рассомчиликда ўзгача, ноодатий усулни синаб кўради. Бу усул кейинчалик кубизм номи билан оммалашади. 1907-йил- дан 1914-йилгача айнан шу услубда бир қанча асарлар яратади. 1920-йилларнинг бошида эса классик услубга қайтишни бошлайди. Рассом, шунингдек, мифологиядан ҳам илҳом олган.
Пикассо 1973-йил 8-апрелда Франсияда 92 ёшида оламдан ўтади. Асарлари дунёнинг кўплаб музейларида сақланади, ижодига бағишланган махсус музейлар ҳам бор