Орзиқул Эргаш: Оқар дарё

Хаётда фақат ҳалолликни пеша тутган, Ҳақ йўлдан чекинмаган «Шохсанам» романи қаҳрамони кунларнинг бирида судга тортилади. Ажабки, у ўзини шундай жазога муносиб деб билади:

«Сўнгги сўз берилди.

Икки оғиз гапирдим: мен шундай жазога муносибман дедим. Лекин сизлар тиқиштирган айблар учунмас, балки анови Қонун китобингизнинг ҳеч бир моддасида қайд этилмаган жинояту хиёнатларим учун муносибман дедим...»

Дарвоқе, инсон ҳаётида ҳеч бир расмий ҳужжатларда қайд этилмаган азалий қонун-қоида, ақидалар борки, уларга беписанд бўлишликнинг оқибати ҳалокатлидир. Асар қаҳрамони ўз иқрорномасида ана шуни назарда тутган эди.

Азиз ўқирман, мана, адиб Орзиқул Эргаш ижодий бисотидан танлаб тартиб берилган роман, қисса, ҳикоялардан иборат янги китоби қўлингизда. Ишонамизки, ундаги битиклар сизга мароқли мутолаа онларини туҳфа этади, кўнгил мулкингиздан чукур жой олади.