Оналар учун 3 муҳим китоб тўплами

Оналар учун 3 муҳим китоб тўплами

Фарзанд тарбияси - кам ўргатиладиган, лекин катта масъулият талаб этиладиган йўл. Бу йўлдан осон юриш учун Масару Ибука китоблари ёрдам беради.

Учдан кейин кеч (1-китоб)

Ушбу китоб муаллифи Масару Ибуканинг таъкидлашича, барча ёш болалар ноёб қобилият эгаси ҳисобланишади. У янги туғилган чақалоқларга муҳитнинг таъсири жуда катта экани ҳақида мулоҳаза юритиб, болаларнинг эрта ривожланиши борасида оддий ва тушунарли усулларни таклиф этади. Муаллифнинг фикрича, ёши катталар машаққат билан эгаллайдиган кўникмаларни болакайлар ўйнаган ҳолатда ўзлаштирадилар. Бу жараёндаги энг муҳим нарса - бола ҳаётига янги тажрибани ўз вақтида киритишдир. Кичкинтой билан доим ёнма-ён бўлган инсонгина ана шу вақтни пайқай олади. Китоб ўз фарзандларига янги ва ажойиб имкониятлар эшигини очишни истаган барча ота-оналар учун мўлжалланган.

Учгача айни вақти (2-китоб)

Фарзанд чақалоқлигидан бошлаб улғайгунича унинг тарбиясида нималарга кечикмаслигимиз керак, нималарга кечикиб қўйдик, хатоларни тузата оламизми? Масару Ибука кўпинча ота-оналар илғамаган, лекин боланинг онги, руҳиятида, жисмонан ва маънан шаклланишида ҳал қилувчи роль ўйнайдиган хатти-ҳаракатлар, ҳаётдан олинган турфа жиҳатларни кўзгуда акс этгандай сиз-у бизга кўрсата олган. Ушбу китобни ўқиб, бунга амин бўласиз деб ишонамиз.

Ҳомиладорлик даври тарбиянинг айни вақти (3-китоб)

Ушбу китобда ҳомиланинг она қорнидалигидаёқ онги ва қалби ривожланиши, эслаш қобилияти мавжудлиги тажрибалар орқали исботланган ва баён этилган. Чақалоқлар анъанавий андазаларга солинганидек ожиз, беҳуш ёки ҳиссиз мавжудотлар эмаслиги очиқ баён этилган. Яхши фарзанд тарбиялаш учун атроф-муҳит муҳим бо лса, ҳомила учун муҳит, онанинг ўзи ҳал қилувчи таъсир кўрсатиши очиб берилган. Муаллиф  асрлик тадқиқоти натижаси олароқ болани эмбрионлик давридан бошлаб тарбиялаш инсон ривожланишининг асосидир деган хулосага келади. Китобни инсон ривожланишига қизиқувчилар, ота-оналар, ҳомиладор аёллар ва бўлғуси оналар ўқиши тавсия этилади.

Тўплам нархи: 179.000 сўм
Чегирма билан: 159.000 сўм

Тўплам оналар ва бўлажак оналар учун мос келади. Буюртма беринг ва фарзандингиз келажаги учун сармоя киритинг!

Буюртмангиз Ўзбекистоннинг исталган ҳудудига етказиб берилади.