О. М. Миртазаев, Л. П. Зуева, Г. С. Матназарова: Эпидемиология

Ushbu kitobda odamlar orasida har qanday patologik holatlarning (kasalliklarning) paydo bo'lishi va tarqalishi qonuniyatlarini o'rganadigan va ularga qarshi kurash chora-tadbirlarini ishlab chiqadigan fan sifatidagi epidemiologiyaning hozirgi zamondagi bayoni taqdim etilgan.

Umumiy epidemiologiya qismida epidemik jarayon to'g'risidagi ta'limotga, epidemiologik tekshiruv usullariga, yuqumli kasalliklariga qarahi kurashishning mavjud qoidalari wa usullaridan foydalanishga, epidemiologik nazorat tizimiga alohida elibor qaratilgan.
Epidemiologiyaning eng so'nggi tekshiruv usullari, (epidemiologik tashxisot) shu jumladan, ularni amalga oshirish mufassal bayon etilgan.

Xususiy epidemiologiya qismida antroponoz, zoonoz va sapronoz kasalliklarning har brining epidemiologiyasi, profilaktikasi va epidemiologik nazorati izchillik bilan to'la-to'kis bayon qilingan. Birinchi marta epidemiologiya darsligida gospital epidemiologiyaning ta'rifi nazariy jihatlari, kasalxona ichi infeksiyalari bilan kurash tizimi va vositalari batafsil yoritilgan.
Shuningdek, noinfeksion va genetikaga bog'liq bo'lgan kasalliklarning epidemiologiyasi to'g'risidagi ma'lumotlar ham darslikda birinchi marta keltirilgan.

Ushbu darslik O'zbekiston Respublikasi Oliy va o'rta maxsus ta'lim vazirligi tomonidan tasdiqlangan epidemiologiya fani dasturiga binoan yozilgan, shuningdek respublikamizda sog'ligni saqlash tizimini isloh qilish jarayonida tayyorlanayotgan umumiy amaliyat vrachlari tayyorlash dasturi ham inobatga olingan, shuningdek, O'zbekiston Respublikasi Oliy va o'rta maxsus ta'lim vazirligi tomonidan epidemiologiyadan darslik sifatida tavsiya etilgan bo'lib, tibbiyot oliy o'quv yurtlari tibbiy profilaktika fakulteti talabalari, magistrlari, epidemiologiyadan malaka oshiruvchi kursantlar va umumiy amaliyot epidemilog vrachlar uchun mo'ljallangan.