Навоий асарлари луғати

Луғатда XV аср ўзбек адабий тили нормалари акс эттирилган. Унда Навоий ижодида кенг истифода этиб келинган сўз ва ибораларнинг асл ва мажозий маънолари, ўша даврдаги айрим фанларга оид баъзи атамалар, диний ва адабий истилоҳларнинг шоир асарларида учрайдиган намуналари изчил ёритиб берилган. У шубҳасиз, Навоий асарларини чуқурроқ тушуниш учун яқиндан ёрдам беради. Ундан қадимги туркий қўлёзмаларни, арабий ва форсий манбаларни, қадимги обидаларни ўқиш учун фойдаланиш мумкин.

Ўзига хос луғатчилик қоидалари асосида тузилган ушбу китоб, мана эллик йил-дан ошибдики, ҳамон китобхонларнинг севимли ва кўп мурожаат этадиган манбаларидан бири бўлиб қолмоқда. Шу боис кўпчилик мутахассисларнинг талаб ва эҳтиёжи ҳисобга олиниб луғат тўлдирилган ва айрим камчиликлари тузатилган ҳолда қайта нашрга тайёрланди.