Nargiza Asadova: Qushlar Salovati

Ko‘zmunchoq! Tilimizda shunday samimiy so‘z bor. Ota-bobolarimizning ko‘zga yaqin, kelishgan farzand-u nabiralariga qarata aytiladigan “Ko‘z tegmasin” iborasini ko‘p eshitganmiz. Ehtimol, shu so‘zdan ilhomlanib O‘zbekiston xalq shoiri Sirojiddin Sayyid ham kitoblaridan birini “So‘zmunchoq” deb nomlagandir.

Adabiyotimizda ham ana shunday o‘sib kelayotgan ko‘rkam nihollarning bog‘ga aylangulik bo‘yi bor. Bu bog‘larning hosili mo‘l bo‘lishini niyat qilib, bir turkum kitoblarni “So‘zmunchoq” rukni ostida nashr etishni reja qildik.

Dunyoda ko‘ngilga qaytmoqdan yorug‘ yumush bormi? Bu shoshqin, toshqin, arazli-yu ishvali hayotda taskin – she’r bo‘lsa, bu asli o‘sha nurli yumushning poyqadamidandir.

Shoira Nargiza Asadovaning ushbu kitobida tizilmish she’rlar bilan dildagi azim dardlarga inja taskin topsangiz, shoiraning kulgulari, ko‘zyoshidek rost tuyg‘ulariga oshnoligingiz shundandir...