Nabijon Boqiy: Chingiz afandiga maktublar. Anvar poshshoning vasiyati

Bu hujjatli roman 1996 yili ramazonda (12 fevral kuni) yozib tamomlangan. Qo‘lyozmaning ilk o‘quvchilari Rauf Parfi, Saʼdulla Ahmad, Tohir Qahhor, Nurali Qobul, Aʼzam O‘ktam, Asqar Mahkam, Neʼmat Ibrohim, Omon Muxtor, Begali Qosimov, Ozod Sharafiddinov, Shavkat Rahmonlar edi.

Asarga Ozod Sharafiddinov so‘zboshi yozgan. Unda, jumladan, shunday deydi: "Chingiz afandiga maktublar" kechagi kun manzaralarini haqqoniy tarzda qayta tiklagan. Lekin uning qimmati faqat shunda emas. Tarixni anglash, idrok etish kerak. Chunki, tarix olis o‘tmish emas, balki bugun ham davom etayotgan, yuraklarga o‘t solib, harakatga undaëtgan jonli jarayondir. Bugungi kunlarimiz uchun jonlarini fido qilgan bobolarimizning pokiza ruhi hozir ham odamlarning vijdoniga to‘g‘ridan to‘g‘ri murojaat qiladi:

"Biz o‘z Vatanimizni bilamizmi?

Biz Ozodlikni bilamizmi?

Biz ota-bobolarimizni bilamizmi?"

Javob esa, Sizdan, aziz o‘quvchi.