Наби Жалолиддин: Чўлпон 2-китоб (Тегирмон)

Нуронийларимиз дуога кўл очиб, ўт ва сув балосидан, шу билан бир қаторда туҳмат балосидан асрашини сўраши бежиз эмас. «Чўлпон» романи қаҳрамонларининг бошига тушганларидан воқиф бўлар экансиз, бу тилак нечоғлик муҳимлигини англайсиз. Бошига жамики балолар ёғдирилган миллат маърифат-парварлари тақдирига ачинасиз. Китобнинг айрим сатрларини бўғзингизда алам, кўзингизда ёш билан мутолаа қиласиз. Ҳатто уларнинг нотўғри қарорларини ҳам тушунишга ҳаракат қиласиз. Қўлингиздаги мазкур «Чўлпон» романининг иккинчи китоби сиз, азиз ўқувчиларни тарихимизнинг энг мазлум саҳифалари билан таништиради. Асар мутолааси Ватан озодлиги улуғ неъ- матлигини яна бир бор англашга ундайди, унинг йўлида не-не жасур ва мард ўғлонлар ўз жонини нисор қилгани мутаассир қилади ва юртни эъзозлашга нақадар бурчли эканимизни яна бир бор эслатади.