Музаффар Мирзо: Шам ва Шамшир (Навоий ва Бойқаро)

Асарда ҳазрат мир Алишер Навоийнинг Самарқандга ихрожлик тарихи, муаззам шаҳардаги ҳаёти ва фаолияти - "ҳасби хол" - таржимаи ҳоли буюк мутафаккирнинг замондошлари хотиралари ва тарихий ҳужжатлар негизида батафсил ҳикоя қилинади.

Асарнинг диққатга сазовор жиҳати Алишер Навоий ёш бўлишига қарамай тақдирнинг шиддатли уқубатларига бардош бера олгани ёрқин лавҳаларда ўз тасвирини топган. Илм ва маърифатга интилган йигитнинг азиз устозлари ҳақида муфассал маълумотлар берилган.

Буюк адибга "ота масобасида (ўрнида)" оталик қилган инсонлардан бири, олиму фозил Саид Ҳасан Ардашерга битилган назмий мактуб романининг асосий ғоясини белгилаган. Тарихий нуқтаи назардан, ҳақиқат ҳам "Ҳазойин ул-маоний" девонига кирган бу маснавий Навоийнинг "ҳасби-ҳоли" ҳол-аҳволи, кечмиши баёнидир.