Muhammad Ali: Temurbek (lotin)

Ushbu kitob O‘zbekiston Respublikasi Raqamli texnologiyalar vazirligi va Raqamli hukumat loyihalarini boshqarish markazi hamkorligida chop etildi.

O‘zbekiston xalq yozuvchisi, O‘zbekiston Respublikasida xizmat ko‘rsatgan yoshlar murabbiysi, Davlat mukofoti sovrindori Muhammad Ali xalqimizning shonli tarixi haqidagi she’rlari, dostonlari, romanlari, dramalari, ilmiy-publitsistik maqolalari bilan keng o‘quvchilar ommasiga juda yaxshi tanish. Adibning tariximizni anglashga qaratilgan “Ulug‘ saltanat” roman-epopeyasi, “Sarbadorlar” dilogiyasi, “Kleopatra”, “Mangu quyosh”, “Umrlar gulshani” tarixiy romanlari, 7-sinf maktab darsligiga kiritilgan “Gumbazdagi nur” dostoni va boshqa asarlari katta qiziqish bilan o‘qiladi.

Yaqinda adibimiz Amir Temur hayoti va davri haqidagi izlanishlari davomi sifatida Sohibqironning bolalik va o‘smirlik yillarini aks ettirgan “Temurbek” tarixiy qissasini yozdi. Asar qiziqarli voqealarga boy, shirali til bilan yozilgan.