Мнемоника: Ёд олиш санъати

Қадимги юнонлар кўплаб маълумотларни ёд олиш учун тасаввурдаги образлардан фойдаланиш мумкинлигини аниқлашган ва шундай техникаларни ўрганувчи фанни мнемоника деб аташган. Ушбу китобда «супер» хотирали инсонлар сирлари, мнемотехника турлари, уларни рақамли, матнли маълумотларни, одамларнинг исм-шарифлари ва бошқа керакли маълумотларни, тарихий саналарни эслаб қолишда қўллаш усуллари, хорижий тилларни тўғри ўрганиш йўллари баён қилинган. Бу билимлар ўқувчиларнинг турли фанларни ўзлаштиришлари, хорижий тилларни осон ўрганишларида қўл келади. Китобга тегишли телеграм бот орқали қўшимча маълумотлар ва машқ материалларини доимий равишда бепул олиб туришингиз, муаллифларга ўз саволларингизни йўллашингиз мумкин. Муаллифлар ҳақида китоб муқовасининг орқа томонида батафсил маълумот берилган.