Марк Твен: Янки ва Қирол Aртур

Тақдим этилаётган асарнинг бош қаҳрамони ўн тўққизинчи асрдан олтинчи аср Aнглиясига тушиб қолади.

Бош қаҳрамоннинг Aмериканинг Коннектикут штатида бўлиши ҳам бежиз эмас. Ёзувчи умрининг сўнгги йилларини Коннектикут штатидаги Реддинг қишлоғида ўтказади ва шу ерда вафот этади. Олтинчи асрга тушиб қолган Янки ғаддор ва қолоқ жамият ҳукм сурган Aнглияда янги тузум - халқ кучига таянган демократик жамият қурмоқчи бўлади ва бу курашда бир гуруҳ ҳукмрон феодал доираларининг, ўзининг мустабид сиёсатини ўтказаётган рим католик черковининг қаршилигига дуч келади.

Романнинг яна бир муҳим жиҳати шундаки, Марк Твен черковнинг инсоният тараққиёти йўлига тўғаноқ бўлишини, ҳукмрон синф томонида туриб халқ қонини сўрадиган текинхўр бир мараз эканлигини ёрқин бўёқлар билан чизиб беради; черковнинг кирдикорларини фош этиб, уни қаттиқ танқид қилади.