Ушбу дарслик ўзбек тилини ўрганишни истаганлар учун тайёрланган бўлиб, эркин мулоқот қилиш ва тил кўникмаларини ривожлантиришга ёрдам беради. Китобда кундалик ҳаётда энг кўп ишлатиладиган сўзлар, иборалар ва суҳбат мавзулари жамланган бўлиб, улар тил билимингизни амалда қўллаш имконини беради. Унда асосий мулоқот шакллари, грамматик қоидалар содда услубда берилган. Шунингдек, Ўзбекистоннинг диққатга сазовор жойлари, урф-одатлари ҳақида қизиқарли маълумотлар келтирилган. Ушбу мавзулар нафақат Ўзбекистонда саёҳат қилиш ва истиқомат қилиш жараёнида, балки иш фаолияти давомида ҳам ўз фикрларини равон ифода этишга ёрдам беради.