Имом Ғаззолий: Мезон ул-амал

«Ҳужжатул ислом» Имом Ғаззолий мазкур асарида комил ва намунали мусулмон бўлишнинг йўллари, исломнинг инсон камолотидаги ўрни ва аҳамиятини тадрижий тарзда баён қилади. Бу китобда Ғаззолий ҳазратлари бизга иймон, илм, нафс поклиги, ахлоқ гўзаллиги, фазилат, донолик, шижоат, иффат каби сон-саноқсиз мавзуларга оид чуқур билимларни ажойиб маҳорат билан тушунтириб берган. Шунингдек, инсонни жаннатга етакловчи амаллар, саодатга элтувчи ҳамда тариқат илми манбааларидан олган билимларини бизларга етказиб берган. Аллоҳ йўлида юрганларнинг масканлари, ҳалол мол топиш йўллари ва тафаккур турлари бу китобнинг бош мавзуларидандир. Асар маърифатимиз янада камол топишига ёрдам беради. Ушбу қўлланма кенг китобхонлар оммасига мўлжаллатган бўлиб, эътиқоду амал масалаларини ўрганишда хизмат қилади, деган умиддамиз.