Бештаси бирда ва етказиб бериш бепул! Asaxiyда чоп этилган илк 5 китоб супер нархда

«Asaxiy Books» лойиҳаси бошлангандан то бугунгача қирққа яқин дунё бестселлерлари ўзбек тилида чоп этилди. Улар орасида турли жанр, шахсий ривожланиш, илмий-оммабоп, антиутопик, биографик, бизнес ёки бадиий адабиётлар мавжуд. Бугун биз лойиҳа бошланган пайтга мурожаат қилдик ва Asaxiy Books доирасида чиққан илк 5 китобни бир жойга жамладик. Тўпламдаги китоблар шахсий кутубхонангизни бойитиш, шаҳар ёки мактаб кутубхонасига совға қилиш, яқин инсонингизга ҳадя улашиш учун ажойиб сабаб бўла олади. Китоблар сизни дунёқарашингизни кенгайтиради ва ён-атроф ҳақида тафаккур қилишга ундайди.

Asaxiyда чоп этилган илк 5 китоб:

1.Жорж Оруэлл: 1984

Ҳукумат одамлар ҳаётининг барча жабҳаларини назорат қиладиган тоталитар жамият ҳақидаги дистопик роман. «1984» романи «BBC талқинидаги энг яхши 200 та китоб» рўйхатида саккизинчи ўринни, Неwсwэек томонидан инсоният тарихидаги энг яхши китоблар рейтингида 2-ўринни эгаллаган. 2017 йилда ушбу китоб АҚШда энг кўп сотилган китоб ҳисобланади. Асарнинг бунчалар шуҳрат қозонишига сабабларни китобни ўқиш мобайнида билиб олишингиз мумкин.

2. Ден Браун: Рақамли қалъа

Рақамли қалъада яширинган кодни бузиш орқали террор ҳужумини тўхтатишга уринаётган математик ҳақидаги техно-триллер. Асарда рақамли хавфсизлик, ватан хавфсизлиги йўлида ишлайдиган жасур шахсларнинг ҳаёти, улар учрайдиган хавф масалалари кўтарилган. Ушбу асарда ҳам ватанпарварлик, ҳам эҳтиросли севги, ҳам қизиқарли маълумотлар, ҳам сизни ўз дунёсига саёҳат қилдирадиган ажойиб сюжетни топасиз. Асар воқеалари АҚШ, Испания, Япония каби мамлакатлар ҳудудида ўтиши, воқеаларнинг тез ва кутилмаган ривожи сизни ўзига мафтун қилади.

3. Жорж Оруэлл: Молхона

«Молхона» фермадаги ҳайвонларнинг хўжайинларини ҳайдаб, ҳайвонлар диктатурасини ўрнатиши ҳақида. Бунда Оруэлл инқилобий принциплар эволюциясини, яъни секин-аста тенглик ва биродарлик ғояларидан утопия ва диктатура сари қадамини моҳирона очиб берган. Машҳур француз инқилобчиси Дантоннинг «Инқилоб ўз фарзандларини Сатурн худоси каби еб битиради» деган ибораси ҳам асарда ўз аксини топган. «Молхона» Россияда бўлиб ўтган 1917 йилги инқилобга ва СССРдаги тузумга нисбатан аллегория шаклида ёзилган.

4. Уолтер Айзексон: Стив Жобс

Замонавий дунёнинг энг йирик бизнесменларидан бири, инноватор, Apple компаниясининг асосчиси Стив Жобснинг муваффақият тарихи ҳақида ёзилган ушбу китоб бир неча йил давомида жаҳон даражасидаги бестселлерга айланиб улгурди. Китобда сиз отаси ташлаб кетган, онаси рад этган бола қандай қилиб дунёнинг энг катта компаниясига асос солиши тарихини ўрганасиз. Бу оғир табиатли, лекин дунёни ўзгача кўз билан кўра олган, уни ўзгартиришни хоҳлаган, информацион технологиялари революциясига сабабчи бўлган инсоннинг ҳаёти ҳақидаги китобдир.

5. Малкольм Градуэлл: Зукколар ва ландавурлар

Муваффақиятга ҳисса қўшадиган омилларни ўрганувчи китоб, баъзи одамлар тарбияси, таълими ва имкониятлари каби омиллар туфайли бошқалардан кўра муваффақият қозониш эҳтимоли кўпроқлигини кўрсатади. Малкольм Гладуэлл ҳар доим мутлоқо тасодиф ҳисоблаб келинган муваффақиятларнинг замирида ётган яширин қонуниятларни топган биринчи инсондир. Бу қонуниятлар нега аксарият буюк хоккейчилар фақат январда туғилганлигини ва ҳеч қачон октябрда туғилмаслигини, нима учун математикани осиёлик талабалар бошқалардан кўра осонроқ ўзлаштиришини, нега Нью-Йоркнинг энг обрўли адвокати бўлиш учун албатта яҳудий бўлиш лозимлигини тушунтириб беради. Бу китоб Билль Гейтс, «Битлз» ва Мотсарт каби шахсларни нима боғлаб туришини ҳамда улар нега ўз тенгдошларидан ўзиб кетганлигини кўрсатади.

Ушбу 5 ажойиб китобдан иборат тўплам 239 000 сўм, аммо сиз унга чегирма билан 159 000 сўм эвазига эга бўлишингиз мумкин. Буюртмангиз Ўзбекистоннинг исталган ҳудудига бепул етказиб берилади. Ушбу таклиф фақат икки кун учун амал қилади, ҳозироқ буюртма беринг ва имкониятдан унумли фойдаланинг.