Hayao Miyazaki: Animatsiya qiroli ( Sahna Yulduzlari )

Hayao Miyazaki
Hayao Miyazaki 1941-yil 5-yanvarda Tokioda tug'ilgan.
Litseyda o'qib yurganida "Hakujaden" nomli dunyodagi birinchi rangli animatsion filmni tomosha qiladi va hayratga tushadi. Shundan so'ng Miyazaki multfilmlar uchun animatsiyalar chizadigan rassom bo'lishga qaror qiladi.
1962-yilda Gakushin universitetining xalqaro munosabatlar va iqtisodiyot bo'limiga o'qishga kiradi. Oliygohni bitirgach, Toyey animatsion kompaniyasida animator bo'lib ishlay boshlaydi.
1965-yilda anime rejissyorlari Otsuka Yasao va Isao Takahata bilan birgalikda uzun metrajli "Quyosh shahzodasi Horus nomli multfilm ustida ishlaydi.
1984-yilda o'zi rejissyorlik qilgan "Shamollar vodiysi” multfilmining muvaffaqiyatidan so'ng ishdagi yaqin hamkorlari bo'lgan Otsuka Yasao va Isao Takahata bilan birga "Studio Ghibli ga asos soladi.
Faoliyati davomida ko'plab uzun metrajli multfilmlar va Yaponiyada manga deb ataladigan kartinalarni yaratdi. Uning asarlari Yaponiyada katta shov-shuvlarga sabab bo'ldi va tomoshabinlar orasida ommalashdi.
Miyazaki 2002-yilda "Ruhlarning qochishi" nomli multasari uchun "Oskar mukofotini qo'lga kiritdi.
Miyazaki nafaqat rejissyor, balki o'zi yaratgan filmlarning ssenariy muallifi ham edi.
Miyazaki "Taym jurnali tomonidan tuzilgan "Dunyoning ilhomlantiruvchi eng kuchli insonlari" ro'yxatidan o'rin olgan.