Ҳаяо Миязаки: Анимация қироли ( Саҳна Юлдузлари )

Ҳаяо Миязаки
Ҳаяо Миязаки 1941-йил 5-январда Токиода туғилган.
Лицейда ўқиб юрганида "Ҳакужаден" номли дунёдаги биринчи рангли анимацион филмни томоша қилади ва ҳайратга тушади. Шундан сўнг Миязаки мултфилмлар учун анимациялар чизадиган рассом бўлишга қарор қилади.
1962-йилда Гакушин университетининг халқаро муносабатлар ва иқтисодиёт бўлимига ўқишга киради. Олийгоҳни битиргач, Тоей анимацион компаниясида аниматор бўлиб ишлай бошлайди.
1965-йилда аниме режиссёрлари Отсука Ясао ва Исао Такаҳата билан биргаликда узун метражли "Қуёш шаҳзодаси Ҳорус номли мултфилм устида ишлайди.
1984-йилда ўзи режиссёрлик қилган "Шамоллар водийси” мултфилмининг муваффақиятидан сўнг ишдаги яқин ҳамкорлари бўлган Отсука Ясао ва Исао Такаҳата билан бирга "Студио Гҳибли га асос солади.
Фаолияти давомида кўплаб узун метражли мултфилмлар ва Японияда манга деб аталадиган картиналарни яратди. Унинг асарлари Японияда катта шов-шувларга сабаб бўлди ва томошабинлар орасида оммалашди.
Миязаки 2002-йилда "Руҳларнинг қочиши" номли мултасари учун "Оскар мукофотини қўлга киритди.
Миязаки нафақат режиссёр, балки ўзи яратган филмларнинг ссенарий муаллифи ҳам эди.
Миязаки "Тайм журнали томонидан тузилган "Дунёнинг илҳомлантирувчи энг кучли инсонлари" рўйхатидан ўрин олган.