Ҳамиджон Расулов: Озиқ-овқат ва ичимликлар хизматлари

Мазкур ўқув қўлланма Меҳмонхона ва туризмни бошқариш таълим йўналиши ўқув режасида акс этган фанлардан дарс машғулотларини олиб бориш, меҳмондўстлик ва туризм саноатини бошқариш, уни ривожлантириш бўйича зарур материалларни ўзида мужассамлаштирган. Унинг афзаллиги ва бошқа дарсликлардан фарқи шунда-ки, қўлланмада озиқ-овқат ва ичимликлар саноати, унинг мақсад ва вазифалари, харидорларга ҳар жиҳатдан сифатли хизмат кўрсатиш асослари ҳамда соҳада муваффақиятга эришишга оид барча замонавий билимлар таҳлилий акс эттирилган. Глобал туризм саноатининг муҳим жиҳатлари, яъни маҳсулот тайёрлаш, қандай озиқ-овқат ва ичимликлар харид қилиш, таом тайёрлаш услублари, ходимлар маданияти, уларнинг хизмат кўрсатиш сифатини оширишдаги ҳиссаси, хизмат таомиллари, турли халқларга оид хизмат турлари, замонавий ва классик менюлар, мижозлар билан муносабат одоблари, соғлиқни сақлаш ва озиқ-овқат хавфсизлиги бўйича назарий ва амалий билимлар умумлаштирилган. Ўқув-қўлланма туризм йўналиши талабалари, туризм саноати ва меҳмондўстлик соҳаси муассасаларида фаолият юритаётган мутахассис-ходимлар ва шу соҳага қизиқувчилар учун мўлжалланган.