Эркин Қудратуллоҳ: Умрага боришга тайёрмисиз?

Қўлланмада муқаддас умра ибодатига тааллуқли муҳим масалалар билан бир қаторда ушбу сафар давомида гуруҳ раҳбарлари, зиёратчиларга асқотадиган, ҳар бир мусулмон билиши лозим бўлган зарур тарихий, фиқҳий аҳкомлар баён этилган. Муборак жойларнинг ўтмиши ва бугунги кунига ҳам алоҳида эътибор қаратилган. Ушбу қўлланма, сафар тараддудида бўлган, зиёратга отланаётган юртдошларимиз учун маънавий ҳамроҳ вазифасини ўтайди деган хайрли ниятдамиз.

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Ҳаж ва умра қилувчи Аллоҳнинг меҳмонидир. Аллоҳга дуо қилсалар, дуоларини ижобат қилади. Ундан мағфират сўрасалар, уларни мағфират қилади», дедилар» (Ибн Можа ривояти).